“Нүүрсний” гэх хэргийн мөрдөн шалгах ажиллагаа үргэлжилж байгаа. Тэгвэл уг хэрэгт шалгагдаж байхдаа БНХАУ руу оргон зайлсан н.Наранхүүг шувуу ажиллагаагаар авч ирэхээр болсон талаар ХЗДХ-ийн сайд Х.Нямбаатар мэдээллээ.

Тэрбээр "Нүүрсний гэх хэрэгт шалгагдах байсан н.Наранхүү гэх хүн БНХАУ руу оргон зайлж, улмаар БНСУ руу гарсан. Хууль сахиулах байгууллагынхантай ажиллаж, авч ирэх ажлыг хийж байна" гэлээ.

Мөн "Нүүрсний хэрэгт 130 гаруй хүнийг шалгаж байгаа. Ихэнх нь хилийн хоригтой. Зарим нь таслан сэргийлэх арга хэмжээ авагдсан байгаа" гэлээ.