МАН-ын бүлэг өнөөдөр хуралдсан. Бүлгийн хуралдаанаас гарсан шийдвэрийг УИХ-ын гишүүн М.Оюунчимэг танилцууллаа. Тэрбээр "Эрдэнэт үйлдвэрийн 100 тэрбум төгрөгөөр хөдөө, орон нутгийн сургууль цэцэрлэгийн нүхэн жорлонг шинэчлэх асуудал БШУЯ-нд удаашралтай, хангалтгүй явж байгаа. Тиймээс энэ асуудалд Засгийн газар анхаарлаа хандуулж төсөв нь батлагдчихсан энэ ажлыг үр дүнтэй болгомоор байна гэх санал эмэгтэй гишүүдээс ирсэн. Энэ асуудлыг Засгийн газрын ирэх Лхагва гарагийн хуралдаанаар хэлэлцэж, эргээд МАН-ын бүлэгт хариу өгье гэх саналыг хэллээ" гэв.