Нийгмийн халамжийн сан АН-ын дарга асан С.Эрдэнийн хамаарал бүхий "Молор трейд" ХХК-ийн Их тамир амралтад ахмад настанд үзүүлэх тусламж хөнгөлөлт зориулалтаар 4 тэрбум 192 сая төгрөгийг олгосон байгаа нь нээлттэй мэдээллийн санд байршсан талаар бид өмнө мэдээлсэн. Тэгвэл тус мэдээлэлд тэрбээр дараах тайлбарыг өгчээ.

Тэрбээр "Хуулийн хүрээнд үйл ажиллагаагаа явуулж ирсэн "Их тамир" амралтын газрыг мэдэхгүй ахмад Монголд байхгүй. Харлуулж гүтгэх гээд ажил үүргээ гүйцэтгэж байгаа байгууллага хамт олны бизнесийн нэр хүндэд халдахаа зогсоох хэрэгтэй. Хийсэн ажлынхаа хөлс төлбөрийг НХС-аас авсан байгаа" гэжээ.