БШУЯ-ны харьяа Монгол-Оросын хамтарсан 3 дугаар сургуулийн захирал асан Ж.Соронзонг АТГ-аас яллагдагчаар татан шалгаж байсан. Тэгвэл шалгалтын ажиллагаа дуусч, хэргийг шүүхэд шилжүүлэх саналтай прокурорын байгууллагад шилжүүлсэн байна.

Сануулахад, түүнийг албан тушаалын эрх мэдлээ урвуулан ашиглаж, өөрийнхөө төрсөн дүү Ж.Содбилэгтэй түрээсийн гэрээ байгуулах замаар сургуулийнхаа данснаас 5.8 тэрбум төгрөгийг шилжүүлсэн хэмээн шалгаж байгаа юм.