Манай улсын НҮБ-ын Хүүхдийн сангийн мэргэжилтэн С.Мойлтмаа болон энхийг сахиулах ажилтан Судан улсад мөргөлдөөний халуун цэгт гацсан талаар бид өмнө мэдээлсэн.

Тэгвэл уг асуудалтай холбогдуулан ГХЯ-аас дараах мэдээллийг өглөө. Тодруулбал, "Суданы Хартум хотод болж буй зэвсэгт мөргөлдөөн 7 дахь өдрөө үргэлжилж байна. Зэвсэгт мөргөлдөөн болж буй хотод НҮБ-ын Хүүхдийн сангийн төлөөлөгчийн газрын нэг ажилтан болон НҮБ-ын UNISFA-ийн нэг энхийг сахиулагч Монгол Улсын иргэд байгаа бөгөөд ГХЯ-ны зүгээс дээрх иргэдээ татан авах бүхий л боломжийг эрэлхийлэн ажиллаж байна. Мөн Хартум хотод байгаа 2 иргэнтэйгээ байнгын холбоотой байгаа болно" гэв.