Монгол Улсын Засгийн газраас 2023 оныг авлигатай тэмцэх жил болгон зарласан. Үүний хүрээнд цахим шилжилтийг эрчимжүүлэх, авлигын эсрэг, хүнд суртлыг арилгах “Шил ажиллагаа"-ны хүрээнд ЦХХХЯ, НЗДТГ хамтран "Шилэн төр, цахим шилжилтэд таны оролцоо" сэдэвт цуврал уулзалтыг Баянзүрх дүүрэгт зохион байгуулж буй.
Өнөөдрийн уулзалтад ЦХХХ-ны сайд Н.Учрал, Нийслэлийн засаг дарга бөгөөд Улаанбаатар хотын захирагч Д.Сумъяабазар мөн Баянзүрх дүүргийн Засаг дарга Н.Баярмөнх болон холбогдох албан тушаалтнууд оролцож, төрийн албан хаагчдад мэдээлэл өглөө.
Тэгвэл "Шилэн төр, цахим шилжилтэд таны оролцоо-Баянзүрх дүүрэг" уулзалтад оролцсон шат шатны удирдлагууд төрийн үйлчилгээг хүнд сурталгүй, авлигаас ангид, нээлттэй, ил тод байлгах үүднээс ямар бодлого баримталж ажиллаж байгаа талаарх мэдээллийг хүргэж байна.
