Засгийн газрын ээлжит хуралдаанаас гаргасан шийдвэрийг ХЗДХ-ын сайд Х.Нямбаатар танилцууллаа. Тэрбээр "Авлигатай тэмцэх ажлыг эрчимжүүлэх хүрээнд ШУВУУ ажиллагааг хийж буй. Энэ хүрээнд гадаад улс руу оргон зайлсан хүмүүсийн хувийн гадаад дансыг хааж, царцаах үүрэг даалгавар өгсөн. Үүнийг хийхдээ мөрдөгчийн саналыг үндэслэж, прокурорын байгууллагатай хамтарч хийнэ. АТГ-т шалгагдаж байгаад мөрдөн байцаалтын явцад оргон зайлсан, мөрдөн байцаалтын үйл ажиллагааг тасалдуулж байгаа хүмүүсийн тоо 18 болсон. Бусад мөрдөх байгууллагад шалгагдаж байгаа гээд нийлээд 100 гаруй хүнийг эрж хайх, нутагтаа авч ирэх ажлыг эрчимжүүлэхийг Ерөнхий сайд үүрэгдсэн.

Дээрх хүмүүсийн гадаад пасспортыг хүчин төгөлдөр бус болгох, гадаадын хилийн шалган нэвтрүүлэх байгууллагуудад хүргүүлэх ажил хийгдэж байна" гэлээ.