Эрүүгийн хэрэг хянан шийдвэрлэх тухай хуульд оруулах нэмэлт өөрчлөлтөд "Онц ноцтой гэмт хэрэгт сэжиглэгдэн шалгагдаж байгаагаас бусад тохиолдолд "цагдан хорих" төрлийг сонгохгүй байх боломж"-ийг тусгаж өгөхөөр болсон тухай ХЗДХ-ийн сайд Х.Нямбаатар өөрийн твитер хуудсаараа дамжуулан мэдээллээ.

Тодруулбал, "Онц ноцтой гэмт хэрэгт сэжиглэгдэн шалгагдаж байгаагаас бусад тохиолдлуудад "цагдан хорих" төрлийг сонгохгүйгээр зорчих эрхийг хязгаарлах, таслан сэргийлэх арга хэмжээ авах боломжтой байдлаар эрүүгийн хэрэг хянан шийдвэрлэх тухай хуульд нэмэлт, өөрчлөлт оруулахаар ажиллаж байна" гэжээ.