Казах түмний Наурызын баярыг тохиолдуулан аймгийн Орхон аймгийн ЗДТГ, Баян-Өлгий аймгийн Нутгийн зөвлөл хамтран Орхон аймагт анх удаа “Бүргэдийн баяр”-ыг зохион байгууллаа.

Уг арга хэмжээнд Баян-Өлгий аймгаас 10 бүргэдчин ирж, бүргэдийнхээ ан хийх ур чадварыг гайхуулсан юм. Мөн “Шахыру” буюу бүргэдээ ойроос өөртөө дуудах, “Тенге илу” буюу морин дээрээс мөнгө шүүрэх, “Шырга” буюу холоос ангийн чихмэл бариулах, “Көкпар” буюу морьтон эрчүүдийн тулам булаалдах гэх мэт тэмцээнүүд зохиогдлоо.