Жил бүрийн гуравдугаар сарын эхний долоо хоногийг "Музейн нээлттэй өдөр" болгон зарладаг. Тэгвэл энэ жил өчигдөр буюу гуравдугаар сарын 01-ний өдрөөс эхлэн тав хоногийн турш монгол орон даяарх бүх музей иргэдэд үнэгүй үйлчлэх юм.

Харин "Чингис хаан" үндэсний музей зөвхөн ахмад настан, хөгжлийн бэрхшээлтэй иргэд, хүүхдүүдэд үнэгүй үйлчилнэ гэж мэдээлж байсан бол өнөөдөр /2023.03.02/ бүх иргэнд цагийн хуваарийн дагуу үнэгүй үйлчилнэ гэдгээ албан ёсны пэйж хуудсаараа дамжуулан мэдээллээ.