Өнөөдөр СЕХ-ноос УИХ-ын 2020 оны ээлжит сонгуульд нэр дэвшигчдийн үнэмлэхийг гардуулна.

Үндэсний аудитын газарт 208 бие даан нэр дэвшигч мөрийн хөтөлбөрөө хүргүүлж байсан бол СЕХ-нд 137 бие даагч материалаа хүргүүлсэн юм. СЕХ бүх нэр дэвшигчдийн материалыг өнгөрсөн сарын 21-нээс хойш хянаж, бичиг баримт нь УИХ-ын сонгуулийн тухай хуульд нийцсэн нэр дэвшигчдийг батламжилсан бөгөөд нэрсийг өнөөдөр эцсийн байдлаар олон нийтэд танилцуулах юм. Бие даан нэр дэвшигчдийн үнэмлэхийг өнөөдөр 08.00-18.00 цагт олгох юм.

Өнөөдөр 09:00 цагаас МАН, Эх орончдын нэгдсэн нам, Эрх чөлөөг хэрэгжүүлэгч нам, 09:30 цагаас Их эв нам, Зон олны нам, 10:00 цагаас Дэлхийн Монголчууд нам, Та бидний эвсэл, 10:30 цагаас Ард түмний олонхийн засаглалын нам, ШИНЭ эвсэл, 11:00 цагаас Ард түмнээ хайрлая нам, Ард түмний нам, 11:30 цагаас Сахигтун! Үндсэн хуулийн - 19 эвсэл, АН, 12:00 цагаас Монголын Ногоон нам, Зөв хүн электорат эвсэл, Гэр хороолол хөгжлийн намын нэр дэвшигчдэд үнэмлэхийг гардуулах аж.