Хөгжлийн банкны сонсгол хоёр дахь өдрөө Төрийн ордонд үргэлжилж байна. Сонсголоор "Болор шүр" ХХК нь Хужиртын алтны ордыг ил аргаар ашиглах төслийн санхүүжүүлэхээр Хөгжлийн банкнаас 2.34 тэрбум төгрөгийн зээлийг авчээ.

Шинжээчийн дүгнэлтээр харилцагчийн данснаас Л.Чулуунбаатар нь 2017 оны наймдугаар сарын 30-нд, есдүгээр сарын 5-ны өдрүүдэд "бэлэн зарлага, эргэлтийн хөрөнгө, бензиний зардал" гэх утгатайгаар гурван удаагийн гүйлгээгээр нийт 996.5 сая төгрөгийг, иргэн Ц.Содхүү нь сэлбэг, тоног, төхөөрөмж, цалин зэрэг 21 удаагийн гүйлгээгээр 1 тэрбум 314.9 сая төгрөгийн бэлэн зарлагын гүйлгээ хийсэн буюу зарцуулалтыг нягтлах боломжгүй байгаа аж.