“ЭТТ“ ХК-ийн хувьцааг иргэдэд эзэмшүүлэх, иргэдийн хяналтад оруулах тухай УИХ-ын тогтоолын төслийг нэр бүхий гишүүд УИХ-ын даргад өргөн барилаа. Тогтоолын төслийн талаар УИХ-ын гишүүн Н.Наранбаатар "Бидний хэсэг нөхөд нүүрсний хулгайн хэрэгт холбоотой хэмээн зарлагдсанаас хойш хагас сарын хугацаа өнгөрлөө. Анх цочирдож хүлээн авсан. Байр сууриа ч илэрхийлж байсан. Үүний дараагаар нүүрсний жинхэнэ хулгайчдыг олохоор санаа оноогоо уралдуулсан. Лобби бүлэг байгуулсаны анхны ажил өнөөдөр гарч байна. Цаашид бид газрын баялгийг тэгш хүртээх тал дээр УИХ дээр анхаарч ажиллана" гэлээ.