Хууль зүй, дотоод хэргийн сайд Х.Нямбаатар, ЗГХЭГ-ын дарга Д.Амарбаясгалан нар мэдээлэл хийлээ. Энэ үеэр ЗГХЭГ-ын дарга Д.Амарбаясгалан "2011-2022 оны хооронд 10 их наяд төгрөгийн татварын орлогыг монгол Улсын татварын орлогод татан төвлөрүүлсэн. Үүнээс төсөвт 8.9 их наяд төгрөг төвлөрсөн. Татварын өр 0.7 их наяд байна. Өнгөрсөн хугацаанд татварын байгууллага идэвхтэй ажилласан. Тэр тусмаа сүүлийн зургаан жилд нүүрсний салбарыг тойрсон тээврийн үйл ажиллагаатай холбоотой татварын хий гардаг үзэгдэлд хяналт шалгалтыг хийж, 0.7 их наяд төгрөгийн татварын зөрчлийг илрүүлж торгууль тавьсан. Өнөөдрийн байдлаар 80 орчим тэрбум төгрөг нь төлөгдсөн" гэлээ.