ЭМЯ-наас Ковид-19 цар тахалтай холбоотой цаг үеийн асуудлаар ээлжит мэдээллээ хийлээ. Сүүлийн 24 цагт дэлхийн дахинд 94,000 хүн шинээр Ковид-19-ийн халдвар авч, 5000 гаруй хүн нас барсан байна. Ингэснээр өвчлөл өчигдрөөс хойш 11,000-аар нэмэгджээ. 

ЭМЯ-ны хэлтсийн дарга Д.Нарангэрэл:

“24 цагийн 119 дугаарт өчигдөр 96 дуудлага ирж, коронавируст халдварын талаар мэдээлэл зөвлөгөө авсан. Харин гадаад байгаа иргэдэд зөвлөгөө, мэдээлэл өгөх зорилготой 119 аппликейшнд нийт 8 дуудлага ирснээс АНУ-аас 4, Швед улсаас 1 хүн холбогдож коронавируст халдварын эмнэл зүй, урьдчилан сэргийлэх эмчилгээний зөвлөмж авчээ. Тэднээс Швед улсаас холбогдсон иргэнээс Ковид-19 халдвар илэрсэн тул гэрийн тусгаарлалтад байгаа” гэлээ.

Өнөөдрийн байдлаар гадаад оронд Монгол улсын иргэдээс халдвар авсан нийт 32 хүн байгаа аж. Тэднээс 13 хүн эдгэрчээ.