08:30-09:30 цагт Боловсрол, Шинжлэх Ухааны Яам (БШУЯ)-нд тус яамнаас “Ерөнхий боловсролын сургуулиудын дотуур байрны суралцагчдын аюулгүй байдал, эрхийн хамгаалалт” уулзалт хэлэлцүүлгийг улсын хэмжээнд цахим, танхим хосолсон хэлбэрээр зохион байгуулна.
09:30 цагт ХЗДХЯ-нд Засгийн газрын хуралдаанаас гарсан шийдвэрийн дагуу ХЗДХ-ийн сайд Х.Нямбаатар гадаадын хөрөнгө оруулагчидтай холбоотой асуудлаар мэдээлэл хийнэ.
10:00 цагт Эрүүл Мэндийн Яам (ЭМЯ)-нд Засгийн газрын хэрэгжүүлэгч агентлаг 11-11 төвд ирсэн гомдол санал болон цаг үеийн асуудлаар мэдээлэл өгнө. Хуралд ЭМЯ-ны Төрийн нарийн бичгийн дарга Ц.Эрдэмбилэг болон УНТЭ, УХТЭ, УГТЭ, ХӨСҮТ, ХСҮТ-ийн удирдлагууд оролцоно.
10:00 цагт Төрийн ордонд УИХ-ын чуулганы нэгдсэн хуралдаан болно.
10:00 цагт ХӨСҮТ-ийн байранд "Элэгний эмгэг: Эрдэм шинжилгээ - эмнэлзүй" сэдэвт сургалт болно. Тус сургалтаар Анагаах ухааны хүрээлэн, ХӨСҮТ-ийн эрдэмтэн судлаачид хепатитын вирусийн болон удамшил, аутоиммуны, бодисын солилцооны шалтгаант элэгний эмгэгийн сүүлийн үеийн судалгааны чиг хандлага, эмнэлзүй, оношилгооны талаар мэдээлэл хүргэнэ.
10:30 цагт “CROCUS event hall”-д Олон улсын аялал жуулчлалын "Ай Ти Эм Монголиа-2022” үзэсгэлэнгийн нээлт болно. Тус үзэсгэлэн Шинэ сэргэлт-Аялал жуулчлал уриатайгаар "Мишээл экспо"-д гурван өдөр үргэлжилнэ.
10:30 цагт “Монгол Ньюс” мэдээллийн төвд Хөгжлийн бэрхшээлтэй хүний эрхийн хорооноос хөгжлийн бэрхшээлтэй иргэдэд тулгамдаж буй асуудлаар хэвлэл бага хурал хийнэ.
11:40 цагт ШУА-ийн хүрээлэнгүүдийн нэгдсэн I байранд Хятадын Бээжингийн их сургууль, Өвөрмонгол зүүн бүсийн хэлний төв, ШУА-ХЗХ хамтарсан компьютер хэл шинжлэлийн лабораторийн нээлт болно.
