“Эрдэнэс Тавантолгой” ХК-ийн байранд яг одоо хуулийн байгууллагынхан нэгжлэг хийж байгаа гэдэг мэдээллийг дөнгөж сая эх сурвалж мэдээллээ. Тодруулбал, тус компанийн гүйцэтгэх захирал Б.Ганхуягийн ажлын өрөө болон тус компанийн нэгэн ажилтны өрөөнд нэгжлэг хийж байгаа гэдгийг эх сурвалж онцоллоо.

Өнгөрсөн хугацаанд манай сайт тус компанийн удирдлагууд болон “Тавантолгой төмөр зам” ХК-ийн удирдлага Н.Удаанжаргал нарыг шалгаж эхэлсэн талаар мэдээлсэн. Үүний дараагаар өчигдөр Засгийн газраас тогтоол гарч, “Эрдэнэс Тавантолгой” ХК дээр онцгой дэглэм тогтоож, бүрэн эрхт төлөөлөгчөөр нь Сангийн яамны ТНБД Ж.Ганбатыг томилсон билээ.

Мөн эх сурвалжийн онцолж буй байгаар Б.Ганхуяг захирлын өрөөнөөс гадна нэгжлэг хийж буй тус компанийн ажилтан нь улстөрчидтэй ойрхон ажилладаг нэгэн гэнэ. Бид уг нүүрсний хэрэгтэй холбоотой мэдээллийг эргэн мэдээлнэ.

Г.Лхагвадорж