“Ворлд Монголиа Тауэр”-т гал гарч буй бичлэг өчигдөр цахим хуудаснаа цацагдсан. Тэгвэл энэ талаар НОБГ-аас тодруулахад "Нийслэлийн Баянгол дүүргийн 17 дугаар хороо, Модны 2-ын 50 дугаар байр “Ворлд Монголиа Тауэр” 16 давхар барилгын дээвэр дээр гал гарч байна гэсэн дуудлагыг 10.20-ны өдрийн 22:45 цагт хүлээн авсан. Чингэлтэй дүүргийн Онцгой байдлын хэлтсийн Гал түймэр унтраах, аврах 10 дугаар анги, Хан-Уул дүүргийн Онцгой байдлын хэлтсийн Гал түймэр унтраах аврах 14 дүгээр ангийн алба хаагчдыг очиход 16 давхар үйлчилгээний зориулалттай барилгын цахилгаан шатны техникийн өрөө, дээврийн хэсэг /террас/ тус тус шатаж байсныг ажиллан унтраасан" хэмээлээ.
