Тээврийн цагдаагийн албанаас цаг үеийн асуудлаар мэдээлэл хийж байна.

ТЦА-ны дарга, хурандаа О.Ганбат "Баянзүрх дүүргийн 26 дугаар хорооны нутаг дэвсгэрт өнгөрөгч аравдугаар сарын 10-ны өдөр "Ланд-200" маркийн автомашин урсгал сөрөн долоон автомашиныг мөргөж, хоёр хүүхдийг гэмтээсэн осол гарсан. Нийгэмд энэ ослын талаар үл итгэх байдал үүссэн. Прокурорын зөвшөөрсөн хэмжээнд уг асуудалд хариулт өгөхөөр боллоо. Прокурорын зүгээс камерын бичлэгийг олон нийтэд задлах боломжгүй гэдгийг хэлсэн. Мөн тухайн осолд өртсөн охины гэмтлийн зэрэг хөнгөн гарсан." гэв.

Шүүх эмнэлгийн дүгнэлтээр охины зүүн өвдөг шархтай, зулгарсан гэх дүгнэлт гарсан. Энэ нь гэмтлийн хөнгөн зэрэгт хамаарна гэдгийг цагдаагийн байгууллагаас мэдээллээ.