Завхан аймагт хүн амины ноцтой хэрэг гарчээ. Тодруулбал, Завхан аймгийн Баянхайрхан сумын Минж багийн нутаг Хар чулуу гэх газарт энэ оны наймдугаар сарын 17-ны өдөр тус аймагт оршин суух хаягтай 38 настай, эрэгтэй “Д”-ийн толгойн тус газраа буудуулан нас барсан хэрэг гарсан. Гэмт этгээдийг эрэн сурвалжилж байсан бөгөөд илрүүлэлт арга хэмжээний хүрээнд олж илрүүлсэн байна.

Хэргийг тус сумын 58 настай “Б” гэгч үйлдсэн бөгөөд тэрбээр Д-гийн амь насыг нь хохироон хэргийн газраас оргон зайлсныг эрэн сурвалжилж олж тогтоон, тус аймаг дахь цагдаагийн газрын Тосонцэнгэл сум дундын цагдаагийн хэлтсийн алба хаагчид мөрдөн шалгах ажиллагааг үргэлжлүүлж байна.