Бүгд Найрамдах Донецк болон Луганск Ард Улс, түүнчлэн Херсон, Запорожье мужуудын эрх баригчид ОХУ-ын бүрэлдэхүүнд орох талаар бүх нийтийн санал асуулга явуулахаа мэдэгдсэн. Тэгвэл уг санал асуулга энэ сарын 23-27-ны хооронд буюу өнөөдрөөс эхлэн ирэх мягмар гараг хүртэл үргэлжлэх юм.

Зарим судлаачдын үзэж байгаагаар Бүгд Найрамдах Донецк Улс, Бүгд Найрамдах Луганск Ард Улс, Херсон, Запорожье мужууд хэдийн ОХУ-ын мэдэлд орсон гэх тайлбарыг хийж байгаа.

Харин Украины эрх баригчид болоод Европын орнуудын тэргүүн нар, АНУ, НАТО-гийн төлөөлөгчид уг бүх нийтийн санал асуулгыг хүлээн зөвшөөрөхгүй гэдгээ мэдэгдээд буй.