ШӨХТГ-аас иргэдийг төөрөгдүүлсэн нэр тэмдгийг цэгцлэх талаар Оюуны өмчийн газарт шаардлага хүргүүлж байгаагаа мэдэгдлээ. Тодруулбал, тус газрын дарга С.Мөнхчулуун "Хятад, Вьетнам будаанд Япон, Орос гэж ойлгогдохуйц нэр өгөөд байгаа.

Сакура гэхэд жишээ нь: Америк сакура, Япон Сакура будаануудын Америк, Япон гэдгийг томоор нүүрэн талд нь бичсэн боловч Хятад Сакураны Хятад гэдгийг ард талд нь жижгээр бичсэн байдаг. Үүнийг нь иргэд анзааралгүй Сакура гэх нэрээр нь Япон гэж төөрөгдөж авдаг. Тиймээс иргэд хэрэглэгчид аливаа бараа бүтээгдэхүүнийг худалдан авахдаа хаяг шошгын мэдээллийг маш сайн харж байж сонголтоо хийж байх хэрэгтэй юм. Иймд иргэдийг төөрөгдүүлсэн барааны нэр тэмдгийг цэгцлэх талаар Оюуны өмчийн газарт шаардлага хүргүүлсэн" хэмээлээ.