Цагаан будааны дотоодын хэрэглээ жил бүр өсөн нэмэгдэж байгаа энэ үед 100 хувь импортоос хамааралтай хэвээр байна. Гаалийн мэдээллийг харвал, энэ оны хүнсний гол нэрийн импортын барааны хамгийн өндөр өсөлттэй бүтээгдэхүүн цагаан будаа байна. Тодруулбал, энэ оны гурван сарын байдлаар манай улс 2.4 мянган тонн цагаан будаа худалдан авсан нь өнгөрсөн оны мөн үеэс 94.7 хувиар өссөн дүнтэй байгаа юм. Мөн өтгөрүүлсэн болон хуурай сүү 1.8 мянган тонныг импортолсон нь 77.8 хувиар өссөн дүн болов.
