Х.Баттулга талын АН-ын ээлжит бус Их хурал энэ сарын 18 буюу маргааш хуралдахаар зарлагджээ. Ингэхдээ өнгөрөгч дөрөвдүгээр сарын 7-ны өдөр зарлагдан хуралдаж түр завсарласан Ардчилсан намын ээлжит бус Их хурлыг үргэлжлүүлэн хуралдах гэж буй юм. Хурлын зарыг Их хурлын төлөөлөгчид уламжлан ирц бүрдүүлж ажиллахыг Ерөнхий нарийн бичгийн даргын үүрэг гүйцэтгэгч И.Мөнхжаргалд үүрэг болгожээ.