УИХ-ын гишүүн Ш.Адьшаа, Н.Ганибал нарын гишүүд өнгөрөгч 11 дүгээр сард "давхар дээл"-тэй холбоотой гаргасан гомдлыг ҮХЦ-ийн Их суудлын хуралдаанаар өнөөдөр хэлэлцлээ. Хуралдаанд цэцийн бүх гишүүд оролцсон бөгөөд "Ерөнхий сайдаас гадна дөрвөн сайд УИХ-ын гишүүн байж болно" гэсэн шинэчилсэн заалт нь хууль зөрчсөн гэж дүгнэлээ. Тодруулбал, цаашид Ерөнхий сайд танхимдаа хэнийг хэрхэн томилж ажлуулах нь УИХ-д хамаагүй хэмээн шийдсэн.

Энэхүү шийдвэртэй холбоотойгоор УИХ-ын дарга асан Зандаахүүгийн Энхболд дараах байр суурийг өөрийн цахим хуудаснаа илэрхийлэв. Тэрбээр "Үндсэн хуулийн цэц Үндсэн хуулиа өөрөө хүчингүй болгож МАНгартлаа. ҮХЦ-д ийм эрх өгөөгүй. Ийм ҮХЦ цаашид байх эрхгүй. Татан буулгаад үүргийг нь УДШ-д өгөх хэрэгтэй. Үүнээс цааш дураар аашлах тэнэглэл үгүй.

Өнөөдөр давхар дээлийг хориглосон заалтыг хүчингүй болголоо. Маргааш 16-р зүйлийг хүчингүй болгох уу? Хүний эрх илүүдээд байгаа учраас гэдэг шалтгаар. ҮХ-г хүчингүй болгох эрхийг ҮХЦ-д өгөөгүй шалтгаан энэ." гэжээ.