Хичээлийн шинэ жил эхлэхэд хэдхэн хоногийн хугацаа үлдээд байна. Тэгвэл цэцэрлэгийн бүртгэлтэй холбоотой мэдээллийг нэгтгэн хүргэе.

-Улсын цэцэрлэгт нэг ой өнгөрч байгаа хүүхдээ хамруулж болох уу?

-2022-2023 оны хичээлийн жилд 2017.01.01-2020.12.31-ний хооронд төрсөн хүүхэд цэцэрлэгт хамрагдана.

-Хувийн цэцэрлэгт байгаа хүүхдийг улсын цэцэрлэг рүү шилжүүлж болох уу?

-Цэцэрлэгт үргэлжлүүлэн хамруулахгүй гэсэн сонголтыг цахимаар хийсэн тохиолдолд боломжит цэцэрлэгийг үе шаттайгаар санал болгох юм.

-Хувийн цэцэрлэгт өгөх бол хаягаа шилжүүлэх шаардлагатай юу?

-Хэрвээ өмнө хувийн цэцэрлэгт явж байсан, тухайн цэцэрлэг нь хүлээн авах бол хаягийн шилжилт шаардлагагүй.

-Хүүхдээ цэцэрлэгт өгөхөд заавал вакцин хийлгэсэн байх шаардлагатай юу?

-Цэцэрлэг, сургуулийн элсэлтэд вакцин хийлгэсэн байх шаардлага тавихгүй.

-Өнгөрсөн жил цэцэрлэгт хамрагдаж байсан хүүхэд дахин бүртгүүлэх үү?

-Цахим системд нэвтэрч "Одоо суралцаж байгаа цэцэрлэгт үргэлжлүүлэн хамруулна" гэсэн сонголтыг хийнэ.

-Түр оршин суугчдын хүүхэд цэцэрлэгт хэрхэн хамрагдах вэ?

-Боломжтой. Ингэхдээ иргэн та амьдарч буй хороондоо бүртгүүлж, хаягийн шилжилт хөдөлгөөнөө хийлгэсэн байх шаардлагатай.

-Орон нутгийн цэцэрлэгийн бүртгэл хэрхэн хийгдэх вэ?

-Орон нутгийн цэцэрлэгийн бүртгэлийг уламжлалт байдлаар зохион байгуулна. Тухайн хамран сургах тойргийнхоо цэцэрлэгт хандах боломжтой.

-3 үе шаттай бүртгэл явагдана гэдгийг тайлбарлана уу?

-Эхний шатанд хүүхдээ бүртгүүлж чадаагүй иргэд 2 болон 3 дахь шатанд бүртгүүлэх боломжтой.

-Бүртгэлээ цахимаар хэрхэн хийлгэх вэ?

-Эцэг эхчүүд e-mongolia.mn системийн “Нийслэлийн цэцэрлэгт хамрагдах хүсэлт” үйлчилгээгээр цэцэрлэгт хамруулах хүсэлтээ илгээж болно. E-mongolia.mn системийн “Нийслэлийн цэцэрлэгт хамрагдах хүсэлт” үйлчилгээгээр “Одоо суралцаж байгаа цэцэрлэгт үргэлжлүүлэн хамруулна” гэсэн сонголтыг хийж хүсэлтээ илгээснээр таны хүүхэд одоогийн сурч буй цэцэрлэгт үргэлжлүүлэн суралцах боломжтой.

-Хүсэлт илгээхэд юуг анхаарах шаардлагатай вэ?

-Нийслэлийн цэцэрлэгт хүүхдээ хамруулах хүсэлтийг цахимаар илгээхийн тулд Та оршин суугаа хорооны улсын бүртгэлийн ажилтанд хандаж 2022 оны 08 дугаар сарын 24-ний 17:00 цагаас өмнө хаягийн шилжилт хөдөлгөөнөө хийсэн байх шаардлагатай.

-Ямар цэцэрлэгт хуваарилагдсаныг заавал цахимаар шалгах уу?

-Таны хүүхэд ямар цэцэрлэгт хуваарилагдсаныг 2022.08.26-наас хойш бүртгэлтэй утасны дугаар мессежээр мэдээлнэ.