Гэрэл зургийг Purvee Battulga фейбүүк хаягаас ашиглав.

Дархан цаазат Богдхан уулын Соёмботой аманд гал түймэр гарч байна. Энэ талаар НОБГ-аас тодруулахад "Гал түймэр гарсан тухай дуудлагыг 14:26 цагт хүлээн авсан. Онцгой байдлын 18 алба хаагч, 4 машин галыг унтраахаар ажиллаж байна" гэж мэдээлэв.

Хаврын хуурайшилтай, салхи шуургатай үед иргэдийн санамсар болгоомжгүй үйлдлээс шалтгаалан гарах гал түймрийн гаралт ихсэх хандлагатай байна. Иймд хаврын хуурайшилтын үед иргэд асаасан гал, шүдэнз, татсан тамхины гал, цог, нурмыг бүрэн унтраах, халуун үнс, нурмыг тусгайлан бэлдсэн таглаа бүхий нүх, саванд хийж байх, түймрийн хуурайшилт ихтэй үед ой, хээрт ил задгай гал түлэхгүй байхыг Онцгой байдлын ерөнхий газраас анхааруулж байна.

У.БИЛГҮҮН