Х.Баттулга даргатай АН-аас өнөөдөр мэдээлэл хийлээ. Тус намын Ерөнхий нарийн бичгийн дарга И.Мөнхжаргал "Үндсэн хуулийн цэц улстөрийн байгууллага гэдгээ дахин нотлох үйлдлийг өчигдөр гаргалаа. Тодруулбал, 2016 онд сонгуулийн холимог тогтолцоо Үндсэн хуулийг зөрчсөн хэмээн шийдвэр гаргаж байсан бол энэ шийдвэрээсээ буцсан. Ингэснээрээ нэг асуудлаар хоёр өөр шийдвэр гаргаж байгаа нь улс төрийн захиалгыг биелүүлдэг байгууллага гэдгээ дахин нотолж байгаа явдал юм. Анхан шатны шүүхийн байгууллага биш болохоор Үндсэн хуулийн цэцийн шийдвэрт маш их харамсаж байна" гэлээ.