Байгаль орчин, аялал жуулчлалын сайд Б.Бат-Эрдэнэ Япон улсад айлчлал хийж буй. Айлчлалын үеэр Монгол Улсын “Аялал жуулчлалын элч” өргөмжлөлийг мэргэжлийн сумо бөхийн 69 дэх Их аварга Хакухо М.Даваажаргал, Япон Улсад Монгол Улсын эдийн засаг, соёл, аялал жуулчлалыг дэмжих чиглэлээр үйл ажиллагаа явуулдаг “Монгол төв”, “Nippon travel” ХХК-ийн захирал Ё.Кояно нарт гардуулжээ.

“Аялал жуулчлалын элч” нь Монгол Улсыг Японд сурталчлах, Монголын аялал жуулчлалын салбарыг дэмжих, гадаадын жуулчдын тоог нэмэгдүүлэхэд чухал үүрэг гүйцэтгэх бүхий үүргийг хүлээх юм.