УИХ-ын чуулганаар Засгийн газраас өргөн мэдүүлсэн Үндэсний их баяр наадмын тухай хуулийн шинэчилсэн найруулгын төслийг хэлэлцэж байна. Хэлэлцэж буй асуудалтай холбогдуулан гишүүд асуулт асууж, хариулт авч байна.

УИХ-ын гишүүн С.Чинзориг "Энэ хуулийн 5.8-г Х.Нямбаатар сайд өөртөө тааруулж бичсэн юм болов уу даа. 5.7-д баяр наадмыг зохион байгуулж болно. Аймгийн баяр наадамтай адилтгаж үзнэ гэж байгаа юм. 5.7-д болохоор алслагдсан дүүрэг баяр наадам зохион байгуулж болно гээд байх юм. Үндсэн хуулинд энэ нийцэх үү" гэлээ.

ХЗДХ-ийн сайд Х.Нямбаатар "С.Чинзориг гишүүн Үндэсний их баяр наадмын хуулийн 5.7, 8-тай холбоотой асуудлыг ярьж байна. Энэ зөвхөн алслагдсан дүүргүүдэд Улсын баяр наадам зохион байгуулах боломжийг нь хэвээр үлдээе гэж байгаа. Та андуурч байх шиг байна. Би төвийн дүүрэг буюу СХД-ээс сонгогдсон. СХД алслагдсан дүүрэгт ордоггүй. Алслагдсан дүүрэгт Налайх, Багануур, Багахангай дүүрэг ордог. Улмаар жил болгон баяр наадам зохион байгуулсаар ирсэн" гэлээ.