Засгийн газрын ээлжит хуралдаан үргэлжилж байна. Хуралдаанаар Уул Уурхай, Хүнд Үйлдвэрийн сайд Г.Ёндон "Петрочайна Дачин Тамсаг" ХХК-ийн талаар мэдээллийг танилцуулжээ. Тэрбээр "Монгол, Хятад улсын Засгийн газрын хоорондын Ажлын хэсгийг байгуулж, Шадар сайд С.Амарсайханаар ахлуулахаар шийдвэрлэсэн. Мөн бүтээгдэхүүн хуваах гэрээ, газрын тосны нөөцийн талаарх асуудлаар ҮАБЗ-д танилцуулга хийхийг Уул Уурхай, Хүнд Үйлдвэрийн сайдад үүрэг болгосон" гэв.