Орон нутгийн замд зорчиж явсан суудлын автомашин онхолдож нэг иргэн амиа алджээ. Тодруулбал, Хөвсгөл аймгаас Булган аймгийн чиглэлд зорчиж явсан “Лексус-570” загварын суудлын автомашин замын зорчих хэсгийн хажуу руу онхолдож 32 настай эмэгтэй У автомашины эд ангид хавчуулагдаж нас барсан байжээ. Онцгой байдлын алба хаагчид ослын газар ажиллаж цогцсыг гарган 09:54 цагт Булган аймгийн Цагдаагийн газрын мөрдөн байцаах тасагт хүлээлгэн өгсөн байна. Харин жолооч болон 24 настай эмэгтэй Б-д эмнэлгийн анхны тусламж үзүүлэн аймгийн Нэгдсэн эмнэлэгт хүлээлгэн өгсөн талаар албаныхан мэдээллээ.