Гуравдугаар сарын 27-нд болсон Засгийн газрын өнөөдрийн ээлжит бус хуралдаанаар бүх шатны боловсролын байгууллагын үйл ажиллагааг зогсоосонтой холбоотой энэ оны дөрөвдүгээр сараас эхлэн хүүхдийн мөнгөн дээр 10 мянган төгрөг нэмж, 3 сарын хугацаанд 30 мянган төгрөг олгох шийдвэр гаргасан билээ.
Дээрх шийдвэр өнөөдрөөс эхлэн хэрэгжиж байгааг Сангийн сайд Ч.Хүрэлбаатар мэдээллээ.
Тус арга хэмжээ нь Монгол Улсын Ерөнхий сайд У.Хүрэлсүх өндөржүүлсэн бэлэн байдлын зэрэгт шилжүүлсэнтэй холбогдуулан эдийн засгийг дэмжих чиглэлийн хүрээнд авч буй арга хэмжээний хоёр дахь нь юм. Хүүхдэд олгох мөнгөн тэтгэмжийг 1.1 сая хүүхэд хүртэнэ.
