Чингэлтэй дүүргийн 12 дугаар хороо Далан давхарын оршуулгын газрын хашаан дотор шар өвс шатаж байна гэсэн дуудлага өнөөдрийн 14 цагт онцгой байдлын албанд бүртгэгджээ. Дуудлагын дагуу Чингэлтэй дүүргийн Онцгой байдлын хэлтсийн Гал түймэр унтраах 10 дугаар ангийн бэлтгэл ээлжийн 10 алба хаагч 2 автомашинтай унтраахаар ажиллаж байна.

Хуурайшилтын зэрэг өндөр, салхины хурд ихтэй байгаагаас гал түймэр унтраах ажиллагаанд хүндрэл үүсч байгаа тул иргэдийг зуслангийн бүсэд ил гал гаргахгүй, шар өвс шатаахгүй байхыг албаныхан анхаарууллаа.