Дорнод аймгийн Халхгол сумын Сүмбэр багийн Ац холбоо гэх газарт гарсан хээрийн түймрийг унтраахаар ажиллаж байна. Тодруулбал, тус хээрийн түймрийн дуудлага мэдээлэл энэ сарын 18-ны 16:16 цагт бүртгэгджээ. Дуудлагын дагуу тус аймгийн Онцгой байдлын газрын Халхгол сум дахь Гал түймэр унтраах, аврах 62 дугаар анги, Хилийн 0198 дугаар ангийн алба хаагчид хээрийн түймрийг унтраахаар ажиллаж байгаа талаар албаныхан мэдээллээ. Уг түймэр Монгол Улсын хилийн 1180 дугаар тэмдэгтийн чиглэлээр БНХАУ-ын нутаг дэвсгэрт тархан шатсан.