Сүхбаатар дүүрэг, Нарны зам дагуу байрлах шатахуун түгээх станцын дэргэд явган хүний зам хааж усны хоолой суурилуулсан зураг олон нийтийн сүлжээнд тавигдаж, иргэд ихээхэн бухимдлаа.

Чухам ямар учиртай хоолой, яагаад заавал явган хүний зам дагуулж тавьсан, зөрчлийг арилгуулсан эсэх талаар Нийслэлийн Засаг даргын Хэвлэлийн төлөөлөгч Н.Сугараас тодруулахад "Шаардлага тавьж зөрчлийг арилгуулсан байна. Цаашид хотод ингэж дураараа авирлаж болохгүй гэдгийг хотын дарга хэлээд л байгаа. Өмнө болдог байсан гэдэг хандлагаасаа салах хэрэгтэй" хэмээлээ.