СБД-ийн 19-р хороо Шарга морьтын зуслангийн чиглэлд гал түймэр гарч байна. Одоогоор нийслэлийн онцгой байдлын газрын гал түймэр унтраах баг галыг унтраахаар ажиллаж байна.

Энэ талаар нийслэлийн онцгой байдлын газраас тодруулахад "одоогоор мэдээлэл өгөх боломжгүй байна. Галыг дарсны дараа нэгдсэн журмаар мэдээлэл өгнө. " гэсэн юм.

Хаврын хуурайшилтын үед иргэд асаасан гал, шүдэнз, татсан тамхины гал, цог, нурмыг бүрэн унтраах, халуун үнс, нурмыг тусгайлан бэлдсэн таглаа бүхий нүх, саванд хийх, иргэд гэр сууц, хашаа хорооны гадуур түймрээс хамгаалах зурвас татах, гал унтраах багаж хэрэгслийг бэлтгэх зэргээр урьдчилан сэргийлэх арга хэмжээ авахыг анхааруулж байна.