УИХ-ын гишүүн Г.Дамдинням өөртэй нь холбогдоод буй Хөгжлийн банкны зээлийн асуудалд байр сууриа илэрхийллээ. Тэрбээр "Хууль хяналтын байгууллага нь дуудвал очиж шалгуулна, мэдээллээ өгнө. Асуудал байхгүй. Хамтарч ажиллана. Тэр бол иргэн Г.Дамдинням байх үеийн л асуудал шүү дээ. Иргэн хүн бизнес хийж болно. Гэхдээ би тухайн үед захирал болох гэж хоёр хувийн хувьцаа авсан байсан. Улс төрд орсон учраас больсон. Зээл авах нь бизнесмэнүүдийн хувьд гэмт хэрэг биш. Ажлын байраа нэмж, татвараа төлөх ёстой. Харин авлига албан тушаалын гэмт хэрэгтэй холбоотой асуудал байвал хатуу шийтгэх ёстой" гэв.