ЭМЯ-наас Ковид-19-тэй холбоотой цаг үеийн асуудлаар мэдээлэл хийж байна. ХӨСҮТ-ийн ерөнхий захирал Д.Нямхүү:

"Өчигдөр ХӨСҮТ-д болон МУ даяар сэжигтэй тохиолдол бүртгэгдээгүй.  Мөн Сэлэнгэ аймагт батлагдсан тохиолдлын ойрын хавьтлууд, Дорноговь аймагт тусгаарлагдсан сэжигтэй тохиолдол гээд нийт 120 хүний шинжилгээний хариу сөрөг буюу халдваргүй гарлаа. Үүний дээр Сөүл-Уб чиглэлийн онгоцоор ирсэн 83 хүн, тандалтын зорилгоор шинжилгээ авсан 30 хүний шинжилгээнд коронавирус илрээгүй" гэлээ.

Өчигдөр манай улсаас БНСУ-д очсон 5 иргэнээс Ковид-19 илэрсэн гэх мэдээлэл тархаад байсан билээ. Уг мэдээлэл худал, ташаа болохыг ЭМЯ-наас мэдээлж, иргэдэд худал мэдээлэлд автахгүй байхыг анхааруулсан юм.