Түлхүүр мэдээлэл: 

• Их Британийн ерөнхий сайд Борис Жонсон энгийн тасагт шилжсэн байна
• Өмнө гурав хоног эрчимт эмчилгээний тасагт хэвтэн эмчүүлж байсан.
• Их Британи улсыг хойрог хандаж байна гэж шүүмжилжээ.

Шинэ коронавирусийн халдвараар өвчлөөд байгаа Их Британийн ерөнхий сайд Борис Жонсон гурав хоног эрчимт эмчилгээ хийлгэсний дараа өчигдөр энгийн тасагт шилжсэн тухай тус улсын засгийн газар мэдээлжээ.

Пүрэв гарагт Их Британи даяар 881 хүн халдварын улмаас нас барж, нийт эндэгдлийн тоо нь 7,978 болсон байна.

Гуравдугаар сарын 23-нд тус улсад хэрэгжиж эхэлсэн хорио цээрийн дэглэм ирэх Даваа гарагт өндөрлөх байв. Гэвч тахлын нөхцөл байдал сайжрах шинжгүй байгаа тул дэглэмийг долоо хоногоор сунгах шийдвэрийг Британийн засгийн газар өчигдөр гаргажээ.

Европын улс орнуудаас Их Британийг цар тахлын эсрэг арга хэмжээг авч хэрэгжүүлэхдээ хойрго хандаж байна гэсэн шүүмжлэл хүчтэй байв.

Харин Борис Жонсоны засгийн газар шинжлэх ухааны үндэслэлтэй арга хэмжээ авахад цаг хугацаа шаардлагатай байсан гэж хариу тайлбарлаж байгаа.

                                                                                                                                                                                                                                                                       Эх сурвалж: AFP