“Бээжин-2022” өвлийн паралимпын наадам гуравдахь өдрөө үргэлжилж байна. Паралимпын наадмын гүйлтийн цанын 20 км зайн уралдаан өнөөдөр сонгомол текникээр зохион байгуулагдлаа. Тухайн зайд 10 улсын 17 тамирчин оролцсоноос Монголын тамирчин ОУХМ Б.Ганболд 1 цаг 04 минут 23.5 секунд хурдалсанаар 12 дугаар байр эзэллээ.
Харин Ц.Дашдоржийн хувьд 5 км бүхий тойрог замд үргэлжилсэн уралдааны сүүлийн тойрогт замаас гарснаар уралдаанаа дуусгаж чадаагүй байна.
Манай улсын гүйлтийн цанын хоёр тамирчны хувьд лхагва гарагт буюу 3 дугаар сарын 9-нд дараагийн зай буюу Спринт зайд уралдах юм.
