Монгол Улсын Засгийн газар өнөөдөр ээлжит бусаар хуралдлаа. Хуралдаанаас гарсан шийдвэрийг Ерөнхий сайд Л.Оюун-Эрдэнэ танилцууллаа.

Тэрбээр "Гамшгаас хамгаалах өндөржүүлсэн бэлэн байдлын "улбар шар" түвшинг "шар" түвшин рүү бууруулж байна. "Шар" түвшинд шилжсэнээр аж ахуйн нэгж байгууллагуудад тавьж буй хязгаарлалтыг сулруулна. Тухайлбал, одоогийн нөхцөлд урлаг, спортын үйл ажиллагааг танхимын 50 хувийн дүүргэлттэй зохион байгуулж байгаа бол "шар" түвшинд хязгаарлалт тогтоохгүй" гэв.

Ийнхүү манай улс хоёр жилийн дараа шар түвшинд шилжиж, энгийн амьдралдаа ороход алхмаар ойртож буйг тэрбээр онцоллоо.