Хөгжлийн банкнаас авсан зээлээ төлөөгүй ААН-үүдийг зээлээ төлөхийг шаардах зорилготой "Өөрөөр нь төлүүлье” хэлэлцүүлэг болж байна. Монгол Улсад Хөгжлийн банк байх хэрэгтэй, эсэх талаар УИХ-ын гишүүн Т.Доржханд байр сууриа илэрхийллээ.

Тэрбээр "Дэлхий даяар маш олон хөгжлийн банк байдаг ба тэдгээрийн 50 хувь нь дампуурсан. Улс төрчид нь оролцсон тохиолдолд бүгд дампуурсан. Сингапур, Энэтхэг, БНСУ, Хятадын хөгжлийн банкууд дампуураагүй. Энэ бүгдийг Японы хөгжлийн банк хийж өгсөн. Менежментийн багаар нь япончууд ажилладаг. Японы хөгжлийн банк өнөөдөр 100 хувь хувийн хэвшилд шилжсэн.

Хөгжлийн банк байх ёстой. Улс төрөөс хамааралгүйгээр менежментийн багийг ажиллуулах хэрэгтэй" гэв.