Монгол Улсын Засгийн газар, Улсын Онцгой комиссын шийдвэрийн дагуу Токио-Улаанбаатар чиглэлийн нислэгээр 266 зорчигчийг эх оронд нь авчирлаа. Тусгай үүргийн онгоц 16:06 цагт "Чингис хаан" ОУНБ-д газардлаа.

Дээрх асуудлаар Улсын онцгой комиссын Шуурхай штабаас мэдээлэл хийж байна.

ГХЯ-ны Консулын газрын дарга Л.Мөнхтүшиг:  "Токио-Улаанбаатар чиглэлийн тусгай үүргийн онгоцоор нийт 266 зорчигч ирсэн. УОК-ын шийдвэрийн дагуу гадаадаас ирэх иргэдийг тухайн улс орондоо коронавирусний шинжилгээг заавал өгөх хэрэгтэй гэх шаардлагыг тавьсан. Гэвч Японы талаас 38,5 хүртэл халуураагүй, өвчний шинж тэмдэг илрээгүй иргэнд шинжилгээ хийх шаардлагагүй гэсэн тул өнөөдөр ирсэн 266 зорчигчдод  коронавирусний шинжилгээ өгөх боломж гараагүй." гэв.