Хөл хорио тогтоосон энэ үед хүүхэд, залуучууд гэрээс гарах боломжгүй байгаа ч өөрсдийгөө хөгжүүлэх, бие даан шинэ зүйл хийж сурах, мэдлэгээ нэмэгдүүлэх зэргээр цагийг үр бүтээлтэй өнгөрүүлэх бүрэн боломжтой болжээ. Хэрвээ та гадаад хэл, шинжлэх ухаан, сэтгэл судлал гэх мэт чиглэлүүдээс сонгон сургалт авахыг хүсвэл танд доорх үнэгүй найман онлайн сайтыг санал болгож байна.
Цаг үеийн байдлаас болж хүмүүсийн сэтгэл зүй хямрах, айдаст автах хандлага ихсэх болсон.Ковид-19 тахалын үед сэтгэлийн түгшүүр, айдас зэргээс хэрхэн гарах, өөрийгөө тайван байлгах арга гэх мэт сэтгэлзүйн зөвөлгөөг видео хэлбэрээр хүргэдэг сайт юм. Хэрвээ танд сэтгэл зүйн хувьд өөрчлөлт орж, тавгүй байгаа бол хувийн хаягаараа зурвас илгээн зөвлөгөө хүртэл авах боломжтой.
Энд дарж нэвтэрнэ үү
Хүчирхийллээс урьдчилан сэргийлэх долоо хоногийн аян нэртэйгээр үйл ажиллагаа явуулж буй энэхүү онлайн сургалт нь гэртээ цагаа өнгөрүүлж байгаа оюутан залууст зориулан гэр бүлийн хүчирхийллийн эсрэг тэмцэх , түүний талаар ойлголт, зөвлөгөө өгөх зорилготой сайт юм. Гэр бүл төлөвлөлт, хүчирхийллийн урьдах нөхцөл гэх мэт олон төрлийн гарын авлага багтсан тул та хүссэн сэдвээ сонгоод татаж авч үзэж болох юм.
Энд дарж нэвтэрнэ үү
Ковид-19 вирусний тархалтаас үүдэн хөл хорио тогтоосон энэ үед гэрийн нөхцөлд мэргэжлийнхээ чиглэлээр мөн, сэтгэцийн эрүүл мэндийн талаар сургалт авахыг хүсвэл энэхүү сайтыг санал болгож байна.Сэтгэцийн эрүүл мэндийн талаар асуух асуулт байвал зурвас бичин зөвлөгөө авах боломжтой.
Энд дарж нэвтэрнэ үү
7-р сарын 31 хүртэл хүүхэд, залуучуудад эерэг зан үйл, харилцааны ёс зүй цаг төлөвлөлт зэрэг хувь хүний хөгжлийн хичээлүүдийг заах болно. Мөн эцэг эхчүүдэд зориулсан хүүхэдтэйгээ хэрхэн харилцах талаар зөвлөмж, судалгаа, туршилтуудыг видео хэлбэрээр оруулжээ.
Энд дарж нэвтэрнэ үү
Бага, дунд, ахлах ангийн сурагчдад зориулсан амьтдын тухай үлгэр, өгүүллэг, зурагт ном зэргийг энэ сайтаас шууд татан үзэх боломжтой юм. Амьтадын ертөнцийг хүүхдүүдийг сонирхол татах маягаар хийж, цаагуураа шинжлэх ухааны мэдлэгийг олгох зорилготой хуудас юм.
Энд дарж нэвтэрнэ үү
Англи хэлний үнэгүй онлайн сургалт. Та өөрийн цахим хаягийг нээн бүртгүүлснээр өдөр бүр дүрэм, яриа, бичих, сонссох гээд өөрийн түвшний ангидаа суралцах боломжтой. Гэхдээ зөвхөн видео хичээлийг үзэхэд үнэгүй.
Энд дарж нэвтэрнэ үү:
Энэхүү онлайн сургалт нь зөвхөн тантай ярьж харилцаж байгаа мэт бодит мэдрэмжийг төрүүлдэг. Зорилтот 10 даалгавар өгч зааврын дагуу та гүйцэтгэх юм. Нэвтрэх:
Энд дарж нэвтэрнэ үү
Энэхүү онлайн сургалтын хэрэгсэлд шинжлэх ухааны ерөнхий үйл ажиллагаа, материалаас гадна Ковид-19 орчмын нийгмийн эрүүл мэндийн сэдвийг хөндсөн үнэгүй шинжлэх ухааны материалуудыг багтаасан болно. Хими, физик, одон орон, биологи, хараа зүй , хүрээлэн буй орчны шинжлэх ухаан болон бусад салбарт чиглэсэн 285 багш нарийн судалгааны ажлыг багтаажээ.
Энд дарж нэвтэрнэ үү
Хэрэв та тоглоомд суурилсан сургалтыг хайж байгаа бол FUNBRAIN.COM сайтыг санал болгож байна. Энэхүү сайт нь цэцэрлэгийн наснаас 8-р анги хүртэлх сурагчдад зориулагдсан бөгөөд бичиг үсгийн мэдлэг чадварыг хөгжүүлэх хэдэн зуун тоглоом, цахим ном, комик, видео тоглоомуудыг үнэ төлбөргүй санал болгодог.
Энд дарж нэвтэрнэ үү
Энэхүү сайтаар дамжуулан бага насны хүүхдүүд амьтдын тухай мэдлэг мэдээллээ өргөжүүлж, олон төрлийн сонирхолтой видео хичээлүүдийг үнэ төлбөргүй үзэх боломжтой. Түүнчлэн байгаль ертөнцийн талаархи дэлгэрэнгүй мэдээллийг хүүхдэд ойлгогдохоор тайлбарлан бичсэн нийтлэл хичээлүүдийг судлан үзэх боломжтой. Хамгийн сонирхолтой нь сайт дээрх хичээлүүдийг үзсэний дараа цуврал хөгжилтэй тоглоомуудаар дамжуулан шинээр олж авсан мэдлэгээ туршиж болно.
Энд дарж нэвтэрнэ үү
