Монгол Улсын Засгийн газар, Улсын Онцгой комиссын шийдвэрээр иргэдээ эх оронд нь татан авчирж буй Сөүл-Улаанбаатар чиглэлийн тусгай үүргийн нислэг өнөөдөр 20:15 цагт "Чингис хаан" Олон улсын нисэх буудалд газардана. 

Тус онгоцоор БНСУ-д COVID-19 вирусийн халдварын шинжилгээ өгч сөрөг гарсан 255 том хүн, 6 нярай хүүхэд эх орондоо ирэх бөгөөд ирсний дараа 21 хоногийн хугацаанд тусгаарлагдана. 

Мөн Улаанбаатар-Сөүл чиглэлийн тусгай үүргийн нислэгээр 256 том хүн, 5 нярай хүүхэд тээвэрлэн хүргэжээ.

Агаарын хөлгийн ачаанд нэн шаардлагатай эмнэлгийн оношлуур, тоног төхөөрөмжүүдийг тээвэрлэн ирж байна гэж МИАТ ТӨХК-аас мэдээлэв.