УИХ-ын чуулганы үдээс хойших хуралдаан 14.00 цагаас эхэлнэ. Өнөөдрийн чуулганы хуралдаанаар нийгмийн даатгалын багц хуулийг хэлэлцэх байсан ч МАН-ын бүлэг хуралдан ажлын хэсэг байгуулж хуулийн хэлэлцэх хугацааг хойшлуулахаар болсон байна.

Үдээс хойших хуралдаанаар иргэдийн сурч боловсрох эрхийг хангах, хичээл, сурлагын хоцрогдлыг нөхөх, арилгах арга хэмжээний талаар Ерөнхий сайдын мэдээллийг сонсоно. Ерөнхий сайдын мэдээлэлтэй холбогдуулан гишүүд холбогдох албаныхнаас асуулт асуун хариулт авах юм.