Футзалын нэгдүгээр зэрэглэлийн дасгалжуулагчийн сургалтад 2021 оны наймдугаар сарын 2-13-нд хамрагдсан футзалын шигшээ багийн тоглогчид он солигдохын өмнөх өдөр сертификатаа гардан авлаа.

Шигшээ багийн тоглогчдын мэдлэгийг нэмэгдүүлж, цаашдаа ирээдүйн залуу дасгалжуулагчдыг бэлтгэх, МХБХ-ны зэрэглэлтэй дасгалжуулагчдын тоог нэмэгдүүлэх зорилготой зохиогдсон уг сургалтад 16 тоглогч хамрагдсан юм.

Сургалтыг Азийн Хөлбөмбөгийн Холбооны футзалын хоёрдугаар зэрэглэлийн дасгалжуулагчид болох С.Эрдэнэ-Очир, П.Алтантулга нар удирдан явуулсан.

Хүндэтгэх шалтгааны улмаас футзалын дасгалжуулагчийн нэгдүгээр зэрэглэл авсан тоглогчдоос дөрөв нь ийнхүү сертификатаа гардан авлаа.