УОК-ын Нэгдсэн шурхай штабаас цаг үеийн асуудлаар мэдээлэл өглөө. Энэ үеэр Нийслэлийн эрүүл мэндийн газрын орлогч дарга Ж.Отгонболд "Европын холбооны улс, АНУ-д зорчих гэж байгаа иргэд сайн дураараа өөрсдийн хүсэлтээр дөрөв дэх тундаа хамрагдаж болно. Хоёр удаагийн "Спутник" вакцинтай иргэд дахин хоёр удаагийн "Файзер" вакцин хийлгэж байж олон улсад зөвшөөрөгдсөн дархлаажуулалтын гэрчилгээтэй болно. Омикрон дэлхий нийтэд хурдтай тархаж байгаа. Тиймээс гадаадаас ирж буй иргэд маань гурав хоногийн тусгаарлалтаас гараад дөрөв хоногийн хугацаанд гэрийн ажиглалтад байх шаардлагатай байна" гэлээ.