Коронавируст халдварын цаг үеийн нөхцөл байдал, омикрон хувилбарын эсрэг авч хэрэгжүүлж буй хариу арга хэмжээний хэрэгжилт, төлөвлөгөөний талаар өчигдөр /2021.12.08/ холбогдох албаныхан мэдээлэл хүргэсэн. Энэ үеэр Шадар сайдын хэвлэлийн төлөөлөгч Ц.Мөнхбаатар агаарын бохирдолд хэрхэн анхаарч байгаа талаар иргэдийн асуултад хариулсан юм. Ингэхдээ "Шадар сайд агаарын бохирдлыг үүсгэж буй хүчин зүйлийг нарийвчлан судлах чиглэлийг албаныханд өгсөн. Мөн сайжруулсан түлшний гол бэлдэц болсон барьцалдуулагч гэх мэт материалуудад лабораторын шинжилгээг зайлшгүй хийх шаардлагатай. Үйлдвэрлэлийн явцад ямар нэгэн алдаа гарах вий гэдэг асуудал хэлж байсан. Энэ төрлийн судалгааны ажил хийгдэж байгаа гэдгийг хэлье" гэсэн юм.